حاجه تكسف بجد

انتِ احكمى بالله عليكى مش دى حاجة تكسف !!!!!!

لو أذِّن آذان وانت بتعملى اى شغلانة فى ايدك او قاعدة على القهوتنا دي او غيرها
ورحتى بعد شوية تصلى قولى بعد ربع ساعة بعد نص ساعة بعد ..........مدى براحتك ما الوقت امامِك ولسة بدرى على الفرض اللى جاى

لو دخلتى فى الصلاة بعد ما خلصتى اللى فى ايدك وتممتى عليه بحجة انك متسرحيش فيه وانت بتصلى ........ وقلتى الله أكبر

بالله عليكى مش مكسوفه؟

عارفة يعنى ايه الله أكبر ؟؟؟

محسيتيش فى مرة بجد انك مكسوفة من ربنا وانت بتقولى الله أكبر وانت مش بتطبقيها ولو فى مواعيد الصلاة بس
فما بالك كمان لو بتقوليها من غير تركيز ولا خشوع

طيب مش مكسوفة من ربنا وانت دائما تتقنى عملك وتحرصى انه يطلع على أكمل وجه وتيجى على الصلاة وتسرحى وتفكرى فى اللى وراكى وووووووووو
وتنتهى من غير ما تطلعى منها الا بكلمات او تركيز فى بعض الآيات ؟؟؟

يعنى أتقنتى عملك وجيتى على الصلاة اللى بتكلمى فيها ربنا وتناجيه وتقصرى
وكمان خرجتى
من الصلاة وهمك انك ترجعى للموضوع اللى بتكتبيه او الشغل اللى فى ايدك من
غير ما تفكرى لحظة هى صلاتك دى اتقبلت ولا لأ ؟؟؟؟

مع ان سبحان الله ممكن تكون هى دى الفرصة الوحيدة طول اليوم اللى بتختلى بها مع الله معقولة كمان تضيعيها؟؟؟؟

على فكرة انا كنت بكلم الكلام ده لنفسي
وفى الاخر بقوللها

مش مكسوفة تقولى لهم الكلام ده ومتعمليش به او تكونى اول المقصرين ؟