ان في لص محافظ (نشال) كل يوم والتاني يتمسك وبقى مسجل خطر
فقرر السفر للخارج وسكن في حي شعبي وقعد يتفقد المكان كام يوم قبل أن يمارس مهنته
وفيوم نشل محفظة واحد كان بيراقبه وجلس في مكان بعيد عن الأنظار يعد الغلة
وفجأة لقى واحد بيدق على كتفه ويقول له قوم معي واتبعني بسرعة
فارتعد صاحبنا خوفاً ليكون من الشرطة فقام ومشي معه
ووقف عند بيت صغير كان يخصه وقال تعال ادخل
تقبل تكون شريكي وتشتغل معي نحن من صنف واحد
وأتاريه لص بس محترف وكان مراقب صاحبنا
فقبل صاحبنا العرض لأنه ما كان عنده خيار آخر
وكان المحترف يخرج ويسيب صاحبنا في البيت مدة طويلة ويسيب فلوس هنا وهناك
زي اختبار لصاحبنا وماكان ياخد منها حاجة
وفيوم جاب المحترف هدوم جديدة وقال لصاحبنا البس الهدوم دي وياللا بينا عندنا شغل
فسمع صاحبنا الكلام ولبس وانطلقوا
ووصلوا عند فيلا باين إن صاحبهاغني وثري جداً
وفتح المحترف الباب بحاجة زي الطفاشة واتجه مباشرة لغرفة المكتب اللي كان فيها خزنة كبيرة
حط ودنه عليها ولبس جونتي ولف النمر وفتحها وكان فيها مبلغ كبير جداً وذهب وجواهر
ولكن أخد بس الفلوس ولما قال صاحبنا ماذا عن الباقي قال له بصوت عالي لا تلمسها
وأعطاه نصيبه من الفلوس وقال له أحضر الشراب وثلاث كؤوس
استغرب صاحبنا وقال له مش حنهرب قبل ما حد يمسكنا
فصرخ فيه وقال اعمل اللي قلتلك عليه وبسرعة
وراح شغل المسجل بصوت مرتفع
ولما جاء صاحبنا قال وبعدين فقال له هات الكوتشينة واجلس لنلعب ..!!
فاستغرب أكثر ولكن عمل زي ما قال
وقعدوا يلعبوا وبعد شوية وصل صاحب الفيلا ودخل وشافهم..!!!
فصاح فيهم انتو مين وبتعملوا ايه في بيتي...ولكن المحترف لم يهتم به وواصل اللعب وكان صاحبنا ميت من الرعب..وأخرج الرجل مسدسه ووجهه لهم وقال أنا حاتصل بالبوليس
ولم يهتم المحترف وواصل اللعب وهو بيزغر لصاحبنا يقول له اعمل زي ما أنا بعمل
فجلس صاحبنا وهدأ وقال خلاص خسرانة ... خسرانة
وبعد شوية جات الشرطة فقال صاحب البيت ها هما يا حضرة الضابط
فقال الضابط ماذا هناك
فقال المحترف لا شيء يا سيدي كنا نلعب معاً ولما خسر كل فلوسه استدعاكم وادعى أننا لصوص وسرقناه .. وجلس يشرب ولا يهتم
فنظر الضابط للوضع ... مسجل وورق لعب وثلاث كؤوس ... فصدق الكلام
ونظر لصاحب البيت وقال تخسر وبعدين تزعجنا .. المفروض أقبض عليك للبلاغ الكاذب
فكاد الرجل أن يصاب بالجنون..ماذا...ماذا تقول؟؟
واستدار الضابط ليمشي فصاح فبه المحترف
أيها الضابط ربما يقتلنا هذا المجنون بعد انصرافك.. ألا ترى المسدس في يده...!!! ؟؟
فقال الضابط حسناً..حسناً..هيا امشوا معي
فخرج اللصان في حماية البوليس ومعاهم مبلغ كبير يكفيهم 10 سنين
والشرطة في خدمة الشعب...!!!!!
وقالوا في الأمثال زمان
الحرامي الشاطر يستخبى في الكراكون
شفتوا بقه لعبها صح قوي ازاي...!!
